Ifeanyi ibeabuchi if money dey

Okezie Ikpeazu, Ifeanyi Okowa, Rotima Akeredolu, oda Nigeria Governors wey catch Coronavirus and how dia health dey now

One month afta govnor Okezie Ikpeazu of Abia State do a second test on Thursday, 4 June wey come back positive, di govnor dey smile again as di goment don announce say im don test negative.

Latest tori wey land on Friday 3 July, 2020 be say di Abia state govnor Okezie Ikpeazu don test negative to coronavirus.

E first test negative wen im bin submit imsef for test on Saturday, 30 May, but a second test come back positive on 4 June.

Di state commissioner for information John Kalu for inside statement say di govnor bin repeat di test and don dey free of di virus according to di guidelines of di NCDC and di World Health Organization.

Accordingly, Governor Ikpeazu am enta self isolation under di careful watch of experienced medical personnel and im come direct di Deputy Governor to act on im behalf until di time e resume duty.

No be only Abia state govnor don catch coronavirus, oda state governors wey don catch am for Nigeria na;

Govnor Ifeanyi Okowa of Delta State

Govnor Ifeanyi Okowa of Delta State test positive for coronavirus on Wednesday June 30.

Oga Okowa on Wednesday morning say him and im wife test positive for Covid-19.

Di Delta state Govnor daughter am test positive for coronavirus five days ago.

Im and im oda members of im family am don enta self-isolation since dia pikin catch di virus.

Ondo State Govnor Rotimi Akeredolu don become di latest Nigerian govnor to test postive for coronavirus.

Di govnor wey announce am ontop im twitter page don proceed on self-isolation as per di advice of im doctors.

Di govnor say im am get malaria some days ago and the treat am. Im say im colleague advise am to do Covid-19 test and the result come out on 30th June, 2020 and im test positive.

Di Governor of Abia state, Okezie Ikpeazu, also dey among di state executives wey don test positive for coronavirus inside Nigeria.

Bauchi State Governor, Bala Mohammed

Governor Bala Mohammed of Bauchi State for north east Nigeria don test positive for coronavirus around March 2020.

Di tok tok pesin to di Governor, Muktar Gidado tok for one statement say na afta NCDC do six tests for oga Mohammed bodi na im results show say im test positive.

Around April 9, Governor Bala Mohammed come tweet say im don dey negative afta isolation and treatment for di virus.

Kaduna state Governor, Nasir El Rufai,

For March 29, Governor Nasir Ahmad El-Rufai of Kaduna state announce im don test positive for Covid-19.

E add say im dey for self-isolation according to the guidelines of the Nigeria Center for Disease Control (NCDC) wey concern di case of pipo wey no dey show symptoms of di virus.

Later for April 23, oga El-Rufai come announce say im don test negative to di virus afta nearly four weeks of observing strict medical regime plus treatment.

During the period of isolation, oga El-Rufai continue to tweet update about im condition and even do online meeting with some oga dem for im goment.

Oyo State Governor, Seyi Makinde

Oyo State Governor, Seyi Makinde announce through im twitter handle say im don test positive to coronavirus around 30th March.

E add say im no dey show any systoms of di virus and e go continue to self-isolate.

E no too tey for around April 5, di governor come announce say e don test negative to di virus and thank pipo plus all members of im covid-19 taskforce wey dey pray for im recovery.

Di coronavirus pandemic still dey worry for Nigeria and as of today, di kontri get 12,486 cases of covid-19 with 354 death.